Asturies y Espaciu Plural

Acabo de lleer la entrevista a Jose Luis Soro (Vicesecretariu d’acción política de Chunta Aragonesista) en asturies.com1 y comparto la so opinión de que Asturies tendría de tar representada n’Espaciu Plural.

Ye importante que Asturies cunte con voz propia en tolos ámbitos onde se deciden temes que nos afecten directamente, y escaecenos del ámbitu estatal ye un erru políticu de primer orde, sobremanera nuna Asturies onde la so capacidá d’influencia na actualidá ye mínimu y onde les sos instituciones esmolécense más por nun molestar en Madrid qu’en reivindicar les nueses necesidaes.

Tamién ye importante que la participación en cualquier ámbitu tien de partir d’un principiu básicu, l’autonomía política de Asturies y el fracasu absolutu de les fuerces polítiques sucursalistes nel nuesu país, que les convirtieron en meres correes de trasmisión de les decisiones del so comité central.

Y quiciabes sía esta la principal novedá d’Espaciu Plural, la soberanía de les organizaciones integrantes y l’unión nunos principios xenerales, non un programa concreto y estensible a tol Estáu. Ye esa independencia de los integrantes d’Espaciu Plural la que precisamente más fuerza puede conferir a esti proyectu, y non la falsa unión de partes que siempres, ensin esceición, esixe la imposición del centru sobre una parte o d’una parte sobre otra, lo que xenera al mediu plazu frustración de los proyectos más pequenos y débiles.

Creo qu’esa filosofía concretóla el nuesu compañeru de Chunta Aragonesista, Daniel Ripa, na so intervención nel nuesu II Congresu, “Chunta sofita a UNA non pola so fuerza o númberu de votos, sinón polos sos principios que son los nuesos” (y viceversa claro está). Dende esa filosofía y asumiendo que les diferencies y diverxencies puntuales son positives, la coherencia y fuerza d’Espaciu Plural va ser bien cimeru a otres organizaciones de calter centralista.

Esiste una tendencia a confundir independencia d’un proyectu con aislamientu del mesmu o amenorgar l’ámbitu de cooperación a relaciones billaterales. Dende’l mio puntu de vista mientres los procesos de toma de decisiones básense na soberanía de les partes y en que’l desmarque nuna decisión concreta nun se vea como “disidencia”, la cooperación en pie d’igualdá ente distintes organizaciones puede ser una caxa de resonancia pa munchos de los nuesos problemes qu’anguaño tán amordazaos polos grupos parlamentarios asturianos (llingua, incumplimientu normativa medioambiental, sobrecostos permanentes d’obres públiques, sentencies constantes contra decisiones del gobiernu, etc.)

Les palabres de Jose Luis Soro, fáenme pensar que los principios de funcionamientu d’Espaciu Plural muévense nos parámetros que toi falando, colo que creo que Asturies tendría de tener voz propia nesti proyectu y UNA’l meyor altavoz posible.

La invitación a UNA p’asistir a la presentación d’Espaciu Plural tien que convertise nel primer pasu del entamu d’un trabayu estatal que lleve más allá de les nueses fronteres los numberosos problemes que sufrimos, y si esa xera podémos facela solidariamente colos nuesos amigos catalanes, aragoneses, andaluces, canarios, valencianos, etc. muncho meyor.

[1] http://www.asturies.com/entrevistes/soro-%E2%80%9Coxal%C3%A1-asturies-tuviera-representada-n%E2%80%99espacio-plural%E2%80%9D

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s

A %d blogueros les gusta esto: