La democracia como imposición: el vetu a Bloque por Asturies

 

Al traviés de declaraciones d’un responsable del PP, conocimos qu’hai un pactu ente PSOE-IU y PP pa vetar toles propuestes del Bloque por Asturies. La escusa ye que’l diputáu del Bloque, Roberto Colunga , ye como si fuera un tránsfuga, cuando nun lo ye y cuando la salida del Bloque de la coalición con IX y polo tanto del gobiernu col PSOE, ye por un incumplimientu flagrante tantu del alcuerdu electoral robláu colos primeros como del pactu de gobiernu robláu colos segundos, al aprobase’l plan d’axuste pa Asturies impuestu por Zapatero, lo cual ye fácilmente comprobable porque dambos alcuerdos son públicos.

Independientemente de les considerancies que personalmente unu pueda tener, lo cierto ye que nin IX, nin PSOE nin PP llevaron el casu a la comisión anti transfuguismo, colo que’l motivu alegáu vese a güeyu que ye una escusa, porque nin los que realicen tal afirmación se atreven a llevalo al foru onde tendría de llevase de creese ellos mesmos lo qu’afirmen.

Pero’l problema de fondu ye otru, el calter fondamente antidemocráticu de la democracia en Asturies, yá que ye normal que’l xuegu de mayoríes y minoríes determinen la toma de decisiones na cosa pública, pero nun ye asumible que tal xuegu determine los derechos políticos y civiles que tenemos la ciudadanía. Ye ciertu que si soi minoría nun puedo imponer los mios criterios, igual de ciertu ye que la mayoría nun puede resalvar l’alderique a cencielles por ser mayoría. Esta actitú vese en numberoses facetes, dende la negación de los derechos llingüísticos, al usu de los recursos públicos en beneficiu de les mayoríes (si gané yo, yo beneficiome de l’acción gubernamental) y la criminalización constante de movimientos sindicales, vecinales y sociales polo xeneral.

El problema ye que los procedimientos nun se converten nun mediu pa garantizar l’esfrute de les garantíes democrátiques, sinón como imposición. Esta forma d’entender el gobiernu llévanos a que na Alministración entren los míos, colo que de vicia’l sistema d’accesu a la función pública pa faer llegal lo inmoral, lo indecente … pero lo importante ye que los medios llegales garanticen los privilexos de la mayoría gobernante, non los derechos de la ciudadanía, asina la dedocracia establezse como un sistema democráticu de selección de funcionarios, anque nun lo ye, dígalo la mayoría o la minoría.

El problema ye que’l PSOE-IX y PP nun creen na democracia, a cencielles porque tienen mieu del aire qu’hai fora, prefieren l’ambiente cargao y viciao de les instituciones asturianes, onde cuando más democracia imponen, menos derechos tenemos.

Anuncios

One Response to La democracia como imposición: el vetu a Bloque por Asturies

  1. Fluvus d'Anges dice:

    Ye una manía que tienen los políticos d’Asturies, confundir la democracia cola dictadura del númberu. En dellos conceyos del PSOE y del PP, cuando la oposición diz que tienen que facer daqué obligatorio, llega’l alcalde y entos “voten nun cumplir la lley”. Asín. Esos son los conceptos democráticos d’esta gandaya.

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s

A %d blogueros les gusta esto: