¿Oportunismu antinuclear?

 

Toi viendo munchos comentarios en contra la movilización “nucleares non, nin equí nin en Xapón” acusándola de oportunista, partiendo de que toa crítica ye respetable, nun puedo más qu’amosar el mio fondu refugu a estes acusaciones.

Oportunismu dase cuando un colectivu o grupu de persones ante un fechu puntual y utilizando esi fechu casi puramente como argumentu, saca un tema a colación ensin tener un trabayu previu sobre tal tema, y de normal basáu en cuestiones viscerales o sentimentales, onde les temes de seguridá ciudadana son un bon exemplu o cuando asoceden delitos especialmente crueles y un llargu etc. que toes y toos conocemos.

Gustaríame recordar que nestos últimos dolce meses, por non remontame más tras, vivimos l’alderique sobre’l zarru de Garoña o l’alderique sobre’l xiru na política nuclear del PSOE ,y ensin dir más allá Greenpeace con 20 activistes asaltó esti febreru la central nuclear de Cofrentes dexando n’evidencia la pésima seguridá de la mesma.

Oportunismu tamién ye cuando s’utiliza un fechu puntual pa faer un xiru copernicanu nuna posición, de normal difícilmente xustificable, usando esi fechu contra les argumentaciones enantes utilizaes, yá que se considera que les deslegitima radicalmente . Un casu bien recién viose nel Magreb, onde los nuesos amigos d’ayeri convertir nos dictadores tiránicos de güei, namá por reprimir a muncha xente xunto porque cuando la reprimía en puquiñinos yera totalmente asumible. Vese como un fechu puntual, la represión masiva, deslegitima de repente tolos argumentos d’amistá, como los de la estabilidá, desenvolvimientu humanu y económicu de la zona, parar l’islamismu radical y etc. Esti tipu d’actuaciones si son oportunistes.

Con tolos mios respetos, los antinucleares nun tán camudando d’opinión, pidieron, piden y van pidir el fin del usu de la enerxía nuclear polos riegos inasumibles que produz, la falta de respuesta pa la eliminación de los residuos radiactivos y el oscurantismo na xestión de los mesmos, poles constantes tapecimientos d’información sobre les sos incidencies y pola cantidá de vegaes que se punxo n’evidencia la so falta de seguridá, como la que mentamos enantes, ente otros munchos motivos.

Tampoco se tán amosando situaciones especialmente viscerales, con cadabres, enfermos pola radiación o zones destrozaes pola enerxía nuclear, namá se recuerda lo dicho con un exemplu real, el riesgu ye inasumible y ello con independencia de les consecuencies finales d’esti desastre, yá que si finalmente los daños redúcense al máximu, que yá que sía asina, los argumentos van siguir siendo igual de valíos ¿podemos asumir esi riesgu? ¿tenemos d’asumir esi riesgu? ¿queremos asumir esi riesgu? Eses son les entrugues que plantegemos, tamos plantegando y vamos plantegar dende’l movimientu antinuclear, ensin oportunismos y con argumentos.

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s

A %d blogueros les gusta esto: