La encuesta electoral encargada por Bloque-UNA

 

Munchos comentarios toi atopando n’Internet sobre la encueta electoral encargada por Bloque por Asturies y Unidá Nacionalista Asturiana, pero creo que debemos destacar una serie d’idees fuerza, siempres basándonos l’algame llimitáu de la mesma ya que que s’estudia la circunscripción central, ye dicir a 34 escaños de los 45 en xuegu.

Primero, el PSOE caltien la so hexemonía na Asturies industrial o meyor dichu, desindustrializada o reconvertida, perdiendo tan solo un diputáu pasando de 15 a 14. Dende una visión d’una analista esternu a Asturies, ye difícilmente esplicable viendo datos económicos, demográficos, sociales, etc. pero fácilmente esplicable con factores internos como son las redes clientelares, l’avieyamientu de la población y l’emigración de la mocedá.

Segundu, el votu más conservador estrémase, el PP baxa de 15 a 9 diputaos y surde la fuerza de Cascos con 6 diputaos. El datu paez abondo plausible una vegada pasáu’l efectismo del primer momentu, ya que’l votante del PSOE asturianu tien una fidelidá bien alta y difícilmente va llograr sofitos d’otros sectores sociopolíticos.

De resultes de lo anterior, paez que tol espectru políticu que se mueve nel ámbitu conservador queda totalmente “anuláu” ante un Cascos que va ser la fuerza centrípeto de too esti votu y de posibles descontentos del PP.

Terceru, IU caltien el so númberu de diputaos, probablemente favorecíu pola meyora de les mires d’IU a nivel estatal, que compensa la subordinación política de la organización al PSOE en Asturies.

Cuartu: la Coalición Bloque por Asturies-UNA paez ser la única fuerza con posibilidaes d’entrar nel Parlamentu fuera del binomiu PSOE-IU y PP-Casco. La clave va ser ensin dulda la capacidá de concentrar el votu d’esquierda descontenta cola actual xestión de la crisis económica y del asturianismu social y políticu más activu per una parte, y por otra de convertise nun referente pa un tercer espaciu de la política onde les xeneraciones más nueves y los sectores ecoloxistes, esmolecíos pol patrimoniu, derechos civiles y un llargu etc. tán plantegando nueves reivindicaciones como la llibertá n’Internet, el maltratu animal, la llucha contra’l racismu, llimpieza democrática, llibertá sexual y otres temes que nun tienen cabida na política tradicional, pero la sociedá civil ta introduciendo diariamente na axenda política.

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s

A %d blogueros les gusta esto: