Primeru de mayu azul en Xixón

 

Esti primeru de mayu en Xixón, na manifestación convocada por CSI, CGT y SUATEA tuvi dos bones sensaciones, la primera que’l númberu d’asistentes yera más numberosu qu’el d’otros años y segundu, que l’azul foi’l color de la manifestación. Les banderes d’Asturies tuvieron la presencia mayoritaria que se xunieron al azul de les banderes de la CSI, que col mayor númberu d’asistentes foi un espectáculu más que gratificante.

Los reproches al “sindicalismu mayoritariu” como a la “esquierda que s’avergoña de selo” fueron constantes nes intervenciones, y dexaben entever la necesidá d’una respuesta dende les organizaciones sociales, sindicales y polítiques a les presiones de la UE y FMI, como emisariu s de los sos verdaderos amos, los mercaos financieros.

L’apueste pola economía productiva y los servicios sociales públicos como vía pa salir d’esta crisis al traviés de la xeneración d’empléu como pa desaniciar les consecuencies más crueles de mentada crisis, fueron les reivindicaciones más solicitaes y aplaudíes. A última hora, qu’hai otres polítiques y otres maneres d’enfrentase a esta situación y non, como se nos repite pola derecha gobernante y pola derecha con mires de gobernar, un únicu camín qu’acaldía que pasa se ve como más equivocáu y dañible pa les clases menos pudientes.

Tampoco s’escaecieron de recordar como nel primer momentu de la crisis, cuando los fondos públicos tuvieron que salir al rescate de sector priváu, especialmente financieru y de la construcción, el déficit públicu y el gastu nun yeren un problema y una vegada garantizáu los beneficios de les empreses (recordar el beneficiu record de les empreses del Ibex 35) y el paru golpeando con tola so durez, l’equilibriu presupuestariu y el control del gastu fueron una relixón pa los nuestros gobernantes.

El zarru del actu col himnu d’Asturies foi’l puntu culmen del actu, dempués de les intervenciones, cola llectura del comunicáu conxuntu de los sindicatos convocantes, rematando cola intervención de los collacios colombianos que tán sufriendo un “xenocidiu sindical” como ellos mesmos denominaron.

Magar ye ciertu que nun podemos falar d’una alternativa a los sindicatos mayoritarios anguaño, si creo que podemos falar, con ciertu optimismu, d’un aumentu del sindicalismu combativu y un refugu creciente a eses burocracies paraestatales que son anguaño UXT y CCOO. Esperemos qu’esta situación se tresllade al campu de la política, y cada vez más persones apuesten por opciones que busquen la salida de la crisis dende lo público y la xusticia social frente a los que defende’l mercáu y los retayos de too tipu, que per otra parte, fueron los que nun metieron nesti furacu negru.

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s

A %d blogueros les gusta esto: