La madurez política de Asturianistes por Nava: (ast)

Cenciellamente una sorpresa foi que Asturianistes por Nava (ApN), integrada na coalición Compromisu por Asturies, fora la segunda fuerza electoral naveta y entá ye más, que llograren l’alcaldía de Nava colos votos de FAC y PP. Y esta situación cola un claru cambéu na política asturiana, o eso gústame creer, que se basa na madurez política.

Y esa madurez nun se basa tantu nel resultu final, ye dicir llograr l’alcaldía de Nava, sinón nel fechu de negociar y falar de forma directa y ensin subterfugios con FAC y PP. Colos primeros puede defendese la conexón “asturianista”, cosa que personalmente nun acepto cuidao qu’el so asturianismu paezme oportunista y coyuntural (ayeri mesmu yeren españolistes de primer orde), pero espero que’l tiempu de-yos la razón, pero difícilmente esplicable col PP.

Pero lo que pasó ye más senciellu, falar d’un programa pa Nava, non de les sigles, non del Principáu de Asturies, non de si Zapatero tien o non qu’adelantrar les elecciones, y de les persones más afayadices pa dirixir el Conceyu, y neso si hai un consensu, el ex Alcalde Claudio Escobio nun tendría de siguir como la cabeza política del conceyu pola so nula capacidá, la so subordinación al PSOE frente a los intereses de Nava y finalmente a la so prepotencia ensin llendes.

Ello ye que, como se recueye en diverses informaciones periodístiques, Emilio Ballesteros, númberu unu de ApN y actual Alcalde, sentose nel Plenu pensando que diba siguir cuatro año más na oposición, ante la negativa del PP a cerrar el pactu con ApN y FAC. Pero’l PP nun tenía motivos pa cerrar tal alcuerdu, conocía la demanda social de cambéu y ApN faló col PP ensin escuses, ensin escondese en necesidaes históriques que xustifiquen esceiciones planetaries en terminoloxía de Leire Pajín, sinón na más pura normalidá d’alcuerdos programáticos y persones pa llevalos a cabu.

Madurez política ye tener claro que ApN tien votos de les navetes y navetos y respuende ante ellos, non ante la esquierda xixonesa, los nacionalista uvieinos o la editorial d’El País o El Mundu (qu’evidentemente non los mentarán). Madurez política ye comprometese con un programa electoral y lluchar por llevalu a cabu, y nun presumir nos chigres de les pergrandes idees que tenemos, pero engurrianos ante la realidá. Dalgunos van llamame posibilista, yá lo aforro yo, sí soi posibilista y creo nes persones que creen nes sos posibilidaes pa camudar les coses, y na responsabilidá de los qu’apuesten per un camín y si nun abre les puertes a los cambeos que deseyen, busquen nueves puertes pa llogralo.

Y finalmente madurez política ye asumir les consecuencies de los actos, saber que va haber crítiques, conocer los riegos de la opción adoptada, asumir l’erru si hai, y esplicar los ésitos si llógrense, pero eso cualesquier que conoza a los integrantes de ApN ni lo plantegen, porque a cencielles ta nel so ADN. La lóxica de ApN esplicala unu de los sos dirixentes cuando-y entrugaron por qué taba en ApN si podía tar n’otres organizaciones más “poderoses” que lu recibiríen colos brazos abiertos y esplicolo bien cenciellamente, “tu vas dir nun carru y yo nun carretillo, pero’l mio carretillo ta llimpiu y el to carru llenu cuchu” y gustaríame añedir dende’l cariñu más grande que-yos tengo a ApN, recordar los carretillo anden pol cuchu pa poder faer el trabayu, que les coses importantes vaigan dientro de la carretilla y lleguen a bon puertu llimpies y dignes … gracies ApN.

Anuncios

One Response to La madurez política de Asturianistes por Nava: (ast)

  1. […] Madurez política: va unos meses yá falé de la Madurez política de Asturianistes por Nava, pol procesu de negociación que caltuvieron con Foro y el PP, y agora aplaudo’l madurez […]

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s

A %d blogueros les gusta esto: