Xovellanos y xovellanistes

Tamos celebrando’l bicentenariu de la muerte de Xovellanos y vivimos una recuperación de los personaxes, especialmente los venceyaos al mundu políticu, de los que dicen recoyer el legáu de Xovellanos, a los que podemos denominar xovellanistes. Esti eventu que supón el bicentenariu de la so muerte, que tendría de ser prestosu ensin dulda, namá en manos de los políticos asturianos puede convertise nun fechu llamentable y humillante, pa lo qu’el mesmu Xovellanos definía como’l so país, Asturies.

Asina, como primer elementu llamentable y humillante podemos destacar la escasa repercusión de tal bicentenariu, nun duldar que de ser catalán, vascu, gallegu o madrilanu, los actos d’homenaxe seríen de muncha mayor relevancia a nivel de Asturies, pero que tamién tendría una repercusión enforma mayor a nivel del Estáu, de la UE y mundial. Si, digo mundial, porque tamos falando d’ún de los referentes intelectuales más importantes a nivel mundial del sieglu XVIII, mentáu y estudiáu polos más importantes pensadores contemporaneos a Xovellanos, y con una repercusión nel pensamientu occidental indiscutible. Y amás de too eso, yera asturianu, creía qu’el so País yera Asturies y consideraba l’asturianu un patrimoniu que nun se podía perder, demostrando una vegada más como’l defensores de les cultures y llingües minorizadas caracterizamos pol nuesu paletismu, frente a esos cosmopolites que faen obres faraóniques con arquiteutos de sonadía que depués se reporten l’El País como grandes monumentos al mayor de los provincionalismos acomplexaos, como ye’l Palaciu de Calatrava d’Uviéu, gran legáu del PP a la so ciudá.

Pero volviendo a Xovellanos, que ye lo verdaderamente importante, esti bicentenariu ta convirtiéndose nuna de la mayores amuesa d’hipocresía como del nuesu dirixentes, onde per una parte amuesen arguyosos al personaxe y per otra parte despinten de forma sistemática’l so pensamientu, pola cenciella razón de que munches de les propuestes de Xovellanos son muncho más avanzaes que les del PP-FAC y PSOE-IU, amosando’l penosu y llamentable nivel intelectual de los nuesos gobernantes.

Asina Roberto Colunga, como candidatu a l’alcaldía de Xixón de Bloque-UNA na pasada campaña electoral, recordó lo patético de ver a la ex-Alcaldesa de la ciudá Paz Felgueroso escondese so la siella, mientres les autoridaes mallorquines destacaben na entrega del premiu d’Ensayu Xovellanos, que conceden conjuntamente Asturies y Mallorca, el compromisu de Xovellanos cola cultura y llingua catalanes na so estancia mallorquina, mientres el “cosmopolitismu socialista” tapecía que cola mesma pasión Xovellanos defendía la cultura y llingua del so País, Asturies.

Y pa rematar esti esperpentu del bicentenariu de la muerte de Xovellanos, atopo cartelos conmemorativos de tal fecha compartiendo mupi cola Feria Taurina de Begoña, “fiesta” que Xovellanos consideraba impropia del s XVIII, asina que creo que podemos considerar con mayor motivu refugable nel s XXI. Pero lo irónico, por non dicir llamentable nuevamente, ye que l’alcaldesa actual Carmen Moriyón pertenez al partíu de Alvarez Cascos, qu’en teoría diz beber del legáu xovellanista, a pesar que l’Alcaldesa ye una fervosa amante de la fiesta nacional”.

Nun quiero ser hipócrita, y reconozo la mio llimitada conocencia del pensamientu de Xovellanos y de la so obra, y  les esposiciones sobre él fixéronme ver lo mediocre d’una reconocencia a tan pernomáu pensador, y fixéronme cavilgar sobre les causes del mio desconocimientu de tal personaxe ya inclusive de la so familia, onde atopamos a la so hermana Josefa Xovellanos, poetisa n’asturianu, de la nun sabía de la so esistencia.

Pero tranquilizame saber cuanto máse conozo sobre’l so pensamientu, más reflexu veo d’eses idees na mio actividá política, y creo qu’eso sí enllenaría d’arguyu a Xovellanos, ver como’l so pensamientu caló nes xente de la so Asturies, anque nun s’alcordaren tantu de la so persona si’l preciu ye que s’escaezan de les sos idees, anque por desgracia sigue esistiendo xente que prefier a los “xovellanistes” qu’a los que día ente día lluchamos pol so programa pa Xixón y Asturies, anque nun sepamos que Xovellanos ye en bona midida padre de munches de les nueses ambiciones pal nuesu país, Asturies

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s

A %d blogueros les gusta esto: