Salamanca, Barcelona, Asturies y la memoria histórica

Estos díes tamos viviendo una falsa polémica sobre’l treslláu de papeles de la Guerra Civil d’orixe asturianu del centru documental de Salamanca a Barcelona. El primer puntu ye confirmar dicha información, tal que fixo’l nuesu Conseyeru de cultura, Emilio Marcos Vallaure, solicitando al Centro Documental de la Memoria Histórica de Salamanca que señale que documentos asturianos, nel so casu, lleváronse a Barcelona.

Esta xestión, razonable, vuélvese pocu o nada esplicable cuando s’intenta faer pasar esi supuestu trespasu de documentación de Salamanca a Barcelona como un espoliu del patrimonio asturianu. Amás, hasta la fecha, nun oyí a nengún responsable catalán diciendo que nun se piensen devolver los documentos asturianos a Asturies, cosa qu’en Salamanca si oyimos por activa y por pasiva colos documentos catalanes, o de cualesquier otra procedencia.

Tampoco podemos escaecer, como me recordaba vía facebook un compañeru, qu’el Centro Documental de la Memoria Histórica de Salamanca ye la espresión máxima de la espoliación franquista a la izquierda, independientemente del so orixe, tema que foi almitíu con total naturalidá polos políticos asturianos, incluyíos los d’esquierdes, y nunca movilizó la mínima respuesta del asturianismu políticu.

Pero’l treslláu de Salamanca a Barcelona, que nada camuda la situación de la documentación asturiana, fai que tanto l’asturianismu como la esquierda siéntase expoliada, la entruga rescampla, qué ofiensa fixonos Barcelona pa nun almitir que s’hayan lleváu dalgunu de los documentos asturianu, y repito ensin conocer la so intención respecto a los mesmos y si una vegada comprobáu’l so orixe tienen dalgún reparu en devolvelos, cuando en Salamanca hai archivaos munchos más y sabiendo que nun nos los quieren devolver, baste como exemplu recordar la patética imaxe dada cola devolución del arquivu catalán.

Y personalmente ya que en Salamanca nun han dixitalizado los sos fondos, en casu de que si se dixitalicen en Barcelona, casi lo prefiero yá que irónicamente esa documentación averaríase a Asturies , anque sía virtualmente. Amás paez que Salamanca nun tienen intención dalguna de caltener y valorizar tal patrimoniu, cuidao que la so dixitalización torgaría repitir el mantra de frayar la unidá del arquivu, yá que sería posible la so consulta ensin necesidá de la so unidá física, pero garantizando la so unidá dende’l puntu de vista documental y hestóricu.

Anque me duel dicilo, paezme que parte del asturianismu cayó nun complexu d’inferioridá frente a Catalunya y una aceptación inconsciente del modelu centralista del Estáu, yá que si l’Estáu expolia el nuesu patrimoniu ye aceptable, pero en casu de ser una alministración distinta a la central, ye un ultraxe. Creo que si respecto al patrimoniu asturianu, Catalunya nun pinta nada, n’Estáu central pinta nada de nada, asina que sigo ensin ver la ofiensa que nos fixeron pa que salten toles alarmes tantu na Conseyería de Cultura como en ciertos ámbitos asturianistes.

Amás, entá a riesgo d’equivocar, considero muncho más probable que los documentos asturianos que se confirmen que se llevaron a Barcelona se devuelvan a Asturies, primero que los que tán en Salamanca. Pero temo que lo único que vamos llograr ye qu’esa documentación vuelva a Salamanca, para que Más Asturies signifique meyor España que tanto-y gusta a la derecha rexonalista de  FAC, col aplausu de la esquierda españolista y de parte del asturianismu, paez increíble ¿non?

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s

A %d blogueros les gusta esto: