Bloque y UNA empiecen la campaña electoral … pal 2015

Tanto Bloque por Asturies como Unidá Nacionalista Asturiana (Bloque-UNA), anunciaron yá que nun van a dir a les elecciones xenerales del 20 N. Decisión difícil ensin dulda, y a la que personalmente m’opunxi dientro d’UNA, cuidao que consideraba básico presentase a les elecciones. Pero les reacciones de la xente, militantes, simpatizantes, etc. tán faciéndome pensar que tantos les mios collacies y collacios del Bloque como los d’UNA, teníen unes razones de pesu p’arrenunciar a la guerra electoral nesti momentu:

a) L’alcuerdu electoral de Bloque-UNA pa les elección autonómiques siempres lu presentamos como un Compromisu con Asturies: esto esixe, nin más nin menos, que cumplir lo que prometimos y debemos a los más de 6.000 votantes que confiaron en nós, afondar y ampliar en tou lo que podamos esi Compromisu con Asturies. Y nun engañemos, la guerra electoral diba retrasar y gastar unos recursos económicos y humanos básicos pa sacar alantre’l proyectu conxuntu de dambes organizaciones (tenemos que sacar tiempu d’onde nun lo hai , y polo tanto amenorgar l’activismu dempués de qu’acaba cualquier campaña electoral, como nos asocedió dempués de les autonómiques y locales de mayu).

b) Qu’el asturianismu d’esquierda empiece a marcar los sos propios tiempos: ye necesariu que como movimientu políticu y social, nun nos dexemos llevar poles dinámiques polítiques esternes y empecemos a priorizar los nuestros propios procesos, y anguaño tamos nun procesu de construcción d’una alternativa asturiana, que lluche pola xusticia social, el caltenimientu del nuesu patrimoniu cultural y medioambiental y qu’apueste pola solidaridá ente los pueblos. Eso nun quier dicir cayer nun “aislamientu” y nun participar en nenguna elección que nun sía autonómica o local, si non plantease en cada casu qué nos apurre presentanos y decidir según les circunstancies concretes. Ye interesante pensar qu’el PRC (Partíu Rexonalista de Cantabria) del señor Revilla, por poner un casu cercanu xeograficamente anque podríen ponese otros, mientres foi presidente de Cantabria nun se presentaba a les xenerales, y una vegada perdida la presidencia decide presentase, porque en casa ocasión, acertada o equivocadamente, estudien qué-yos apurre o nun dir a esa guerra electoral y eso nun-yos supunxo un perxuiciu políticu precisamente.

c) Situación política asturiana: ye previsible que Foro y PP dempués del 20N empiecen una nueva fase d’acercamientu, pero si eso nun asocediera, la posibilidá d’unes elecciones autonómiques adelantraes en Asturies, sería muncho más que probable. Bloque-UNA tien de priorizar esa posibilidá frente al fechu de presentase a unes elecciones xenerales, onde nun tenemos posibilidá d’algamar representación nin vamos aportar a los medios pa faer oyer el nuesu mensaxe.

d) Denuncia al sistema electoral: mientres esta campaña, les organizaciones minoritaries, tenemos la obligación tanto de denunciar la política d’esclusión de la vida política que tán llevando a cabu les organizaciones con representación, como la manipulación de ciertes propuestes de reforma electoral que presentándose como más democrátiques, amenorgaríen entá más la representatividá de les organizaciones minoritaries favoreciendo’l bipartidismu, ya inspiraes básicamente por un centralismu políticu, que quier amenorgar la participación política al centru xeográficu del estáu imponiendo’l so pesu poblacional, en gran midida resultancia d’una política de desenvolvimientu económicu que favoreció indisimulamente Madrid contra cualesquier otra zona del Estáu.

e) Madurez política: va unos meses yá falé de la Madurez política de Asturianistes por Nava, pol procesu de negociación que caltuvieron con Foro y el PP, y agora aplaudo’l madurez política d’Unidá Nacionalista Asturiana y Bloque por Asturies, que mirando fuera de les organizaciones, ya inclusive diría más, mirando pa fuera del asturianismu políticu militante (que nun inclúi nin al asturianismu social, cultural nin votante), busca crear una alternativa creíble, estable y porque nun dicilo, votable, alloñada de la competición infantil de demostrar al vecín “asturianista”que la nuesa casa ye meyor y más grande, cuando tol edificiu del asturianismu, nun alluga nin de cerca’l 3 % de los votantes (barrera electoral pa entrar nel Parlamentu autonómicu).

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s

A %d blogueros les gusta esto: