Conseyu de la Mocedá de Xixón

Esta selmana atopamonos ante la noticia del retayu de 152.000 € nes subvenciones del Conceyu de Xixón (de 252.000 € a 100.000 €) al Conseyu de la Mocedá de Xixón (CMX). Esta rebaxa supon según los responsables del CMX el zarru de les sos instalaciones y fin de la so actividá a partir del 1 de xineru de 2012. Dambes dimensiones de la noticia ,tantu l’amenorgamientu de la subvención como’l zarru de CMX, tienen una gran importancia:

 

 

1.- Amenorgamientu de la subvención: acaldía ta más claru qu’onde Foru diz reformar, significa retayar, y que les sos reformes siempres tiende a dir escontra’l mesmu sitiu, prestaciones y servicios sociales, sicasí otres partíes bastantes menos necesaries, como les lluces navideñes, vense incrementaes en 80.000 € nada menos. Paez razonable pensar que son más importantes esos 80.000 € en polítiques de mocedá que lluces navideñes, pero polo visto Foru nun lu entiende asina.

Otru problema ta nes formes, queramos o non tamos falando de puestos de trabayu y unos servicios, peor o meyor xestionaos, que s’esanicien ensin plantegar alternativa nenguna y ensin esistir nengún tipu de negociación, nin siquier cosmética. Esta forma de gobernar más qu’empuesta por un enfotu aforrador o l’austeridá , paez empobinada a premiar a los amigos políticos o sectores más allegaos y a castigar a los enemigos políticos.

2.- El zarru del CMX: los enemigos políticos llévanos al puntu del funcionamientu previu del CMX, claramente politizáu poles fuerces polítiques con representación municipal, falándose abiertamente de les llistes del PSOE, IX o PP cuando toca la renovación de los sos cargos (Foru pola so mocedá, nunca se vio nun procesu de renovación), dirixiendo anguaño la llista de PSOE ya IU la entidá. Pocu o nada se fala de les necesidaes de les asociaciones xuveniles o d’iniciatives de caláu, que más bien desenvuelven otres entidaes o organizaciones con muncho menos presupuestu por cierto.

Tou ello refléxase nun oscurantismo nel so funcionamientu y les sos cuentes, criticaes n’innumberables ocasiones poles mocedaes del PP, pero crítiques que paecen más sofitaes nel fechu de nun poder controlar el CMX qu’otra cosa. Pero eso nun ye óbice para que’l so funcionamientu alministrativo y democrático tea bien llueñe de ser correctu.

Ciertu ye que con 100.000 € paez qu’el CMX si apostara por otru tipu de xestión, como l’autu organización de les asociaciones xuveniles y el so mayor coparticipación nel sustentu del CMX, sería una opción interesante si verdaderamente’l CMX ufierta esi sofitu organizativo que diz dar. Esa vía podría estudiase como camín pa sortear el retayu presupuestariu y acabar coles crítiques de mala xestión y oscurantismo.

Por desgracia nun falamos nin de un axuste presupuestariu nin un amenorgamientu de les polítiques de mocedá, sinón a una llucha d’ámbitos de poder ente un nuevu gobiernu municipal casquista, sofitáu pol PP, y les resistencies de la mal llamada esquierda plural del PSOE ya IU. Por desgracia nada se fala de polítiques de mocedá.

La sociedá xixonesa  tien que pidir un diálogu claro y sincero ente los responsables municipales de mocedá de Foru y la dirección del CMX de PSOE ya IU, por que dexen les sos disputes y siéntense p’analizar les necesidaes de la mocedá y la so asociacionismo, y que se valóresen y presupuesten les que quiéranse o puedan cubrir. Nun ye asumible amenorgar 152.000 € ensin estudiar les consecuencies de tal amenorgamientu, nin almitir la politización d’un órganu que tendría de ser una bona base pa la socialización democrático y tolerante de munchos mozos, como’l meyor camín d’enfrentase ellos mesmu a les sos necesidaes.

En definitiva tenemos que reclamar que los poderes públicos lluchen por xestionar meyor les coses, non por retayales ensin más, y que les entidaes que reciben los escasos fondos públicos esforciarse al máximu por sacar el mayor rendimientu a tales fondos, y nun los utilicen pa les sos batalles polítiques.

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s

A %d blogueros les gusta esto: