Reforma electoral: cuidado colo que pidimos

El 18 d’avientu convoquen movilizaciones a favor d’un sistema electoral proporcional. El problema nun ye solicitar una cosa o otra, sinón nun tar pidiendo realmente lo que se quier, esplico, un sistema electoral proporcional nun garantiza una bona representación, si non que prima cierta s zones del estao frente a otres, básicamente les más poblaes contra les que menos lo tán. El mesmu lema de la convocatoria, 1persona1voto, amuesa un erru conceptual, la representatividá nun ye una cuestión proporcional o matemática, sinón garantía de que cualquier persona puede participar nel procesu deliberativo al respective de la midíes y lleis que se dicten, y eso esixe nun centrase na proporcionalidad votu-diputáu.

Un elementu básicu d’esi error de conceptualización ye la manida frase del “sistema favorez a los nacionalistes”, cuando l’alternativa propuesta favorez entá más a los nacionalistes (irónicu que lo diga un nacionalista como yo , pero les coses son como son). Un sistema proporcional afectaría marginalmente a los partíos nacionalistes periféricos más votaos, de fechu nestes elecciones respecto a la resultancia llograda frente a un sistema proporcional puru CiU perdería unu, ERC ganaría unu, BNG ganaría unu, PNV quedaríase igual, Amaiur  erdería dos y Compromís ganaría unu. Pero la cuestión ye qu’a PP y PSOE costaría-y más cara la mayoría absoluta, asina seríen más necesarios pa formar mayoríes y siguiríen siendo socios prioritarios pa los gobiernos, porque les terceres fuerces estatales (pongamos IU y UPyD ) anque tamién seríen valíos pa tales pactos, nun suelen tener la fuerza y polo tanto la capacidá de formar gobiernos en nenguna Comunidá Autónoma, cosa que los partíos nacionalistes si pueden . Tamién ta’l problema que les terceres fuerces estatales compiten muncho más pol votu de los dos primeres fuerces estatales que les fuerces nacionalistes, con competencies puramente locales, lo que-yos apurre una capacidá coalicional cola fuerza ganadora d’unes xenerales enforma mayor.

Y cuál ye la base d’esi erru, pensar que’l sistema electoral favorez a partíos (que los favorez de forma indirecta) cuando favorez a territorios, a los menos poblaos pa ser esactos. Ye importante entender que pa garantizar una transición controlada, la derecha esixó un sistema electoral bien conservador que primara la zona rural frente a la urbana, que se suponía más progresista y dinámica, asina se busco una sobrerepresentación de les zones menos poblaes (básicamente los dos castillas) que yeren les más rurales.

Les coses entiéndense meyor con exemplos, asina Asturies con un 2,58 % de la población votante escueye a un 2,29 % de los diputaos y Soria con un 0,21 % de la población votante escueye 0,57 % de los diputaos. Tampoco paez una barbaridá, pero si xunimos que Asturies escueye 8 diputaos y Soria namá 2 y la fórmula d’Hont  (fórmula que cuando se reparten munchos diputaos como en Madrid o Barcelona tienen efectos proporcionales, que quede claro) tenemos qu’IU precisó 83.312 votos pa llograr un diputáu en Asturies (postreru partíu con representación) y el PSOE 16.058 votos pa llograr un diputáu en Soria (postreru partíu con representación) col agravante que’l PP, partíu ganador en Soria, con 28.058 votos logró un diputáu.

Poro, un catalán o un vascu, que vota en provincies muncho más poblaes que Soria, el so votu val menos qu’el de provincies pocu poblaes, como pasa en Asturies . Irónicamente, cuando vemos el sistema en global, nun ye como nos lo quieren vender los grandes medios de comunicación.

Pero eso nun ye óbice pa querer un sistema proporcional, asina podría dase que tolos sorianos votando lo mesmo, cosa totalmente imposible, llograríen ente 1 y 0 diputaos. Siempres va salir quién diga, pero non, porque pueden votar a un partíu que nos represente a toos y yá ta, yá pero ye que nun me presta, mira tu per ónde, y amás eso que nos representa a toos lo dices tu, porque a mi los partíos estatales (evidentemente soi nacionalista periféricu) nun me representen.

Yá tenemos un sistema electoral que puede prescindir de lo que piensen los sorianos, al nun tener capacidá marxinal de decidir diputaos (ye dicir los sos votos nun van decidir diputaos d’una forma qu’incentive a nengún partíu a atender les sos necesidaes). Claro si votaren a PP, PSOE, PP y UPyD si taríen representaos, aunque mui marxinalmente que conste. Empezamos a entendenos, lo importante ye votar a un partíu que se presente a nivel estatal, non la representación de los ciudadanos.

Inda van aportunar dalgunu que la mio ciega fe nacionalista me obceca, evidentemente Soria esi gran referente nacionalista nel estáu español, pero’l día que Madrid dexe ser la Comunidá Autónoma más rica del estáu, centralizar la mayoría d’inversiones estatales, y presentase insistentemente a entamar unes olimpiaes como si fuera gratis, col aplausu de PP, PSOE, IX y UPyD , tomaré en serio eses acusaciones.

Repito la idea inicial, un sistema electoral xusto esixe que toles persones que voten tengan una capacidá real d’incidir nes decisiones que nos afecten a toos, y un sistema proporcional va marxinar de forma evidente a les provincies menos poblaes. Eso nun quier dicir que niegue que l’actual sistema sía inxusto, perxudica a unos y favorece a otros, pero’l proporcional tendría los mesmos efectos, perxudicaría a unos y favorecería a otros de forma bien evidente. Ye necesariu nun usar apriorismo y aldericar de tolos elementos del sistema electoral en xunto, non yá falar d’unu, la circunscripción única, lo que ye simplaya y amuesa un claru centralismu de quien proponen tal midida, porque la gran beneficiada sería Madrid, y depués Barcelona.

Finalmente, y como puntu de partida pa otra reflexón, afirmo que la política representativa ye bien probe pa tomar toles necesidaes de participación de la ciudadanía, y que personalmente llucharé por llograr meyores en cuestiones rellacionaes cola democracia directa, como iniciatives lexislatives populares con referéndums venceyantes, pidimientu de referéndums derogatorios de leis, y un llargu etc. de midíes nesta dirección. El 18 d’avientu quedaré en casa, por un sistema electoral que nos dexe a toes y toos sentinos venceyaos a les normes que s’aprueben, y pola democracia participativa.

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s

A %d blogueros les gusta esto: