Pasos tras de la democracia en Xixón

La llegada de FAC al gobiernu municipal de Xixón de la mano del PP, supunxo un cambéu históricu na ciudá, que llevada ininterrumpidamente gobernada pol PSOE, con o ensin el sofitu d’IU, mientres más de treinta año, dende la reinstauración de la democracia.

Una de les razones d’esi cambéu tuvo en que’l PSOE acaldía que pasaba controlaba más y más tolos ámbitos de decisión municipal, con numerables sentencies en contra del Conceyu por fraudes na contratación de personal, numberosos chiringos que xestionaben asuntos públicos ensin apenes control, un asociacionismo claramente politizáu, etc.

Paecía qu’un cambéu de los responsables nel gobiernu municipal traería como poco una rexeneración democrática de les instituciones municipales, daqué bien d’estimar, pero per desgracia acaldía que pasa vemos qu’esa esperanza convertir en frustración ante los retayos a la democracia que ta perpetando Carmen Moriyón.

Sorprendente foi qu’esaniciara a la oposición de la xestión de les empreses municipales, lo que considero un verdaderu atentáu contra la voluntá popular, cuidao que el PSOE foi’l partíu más votáu en Xixón y sicasí, igual qu’IU al que tendría de respetar el so espaciu, queda escluyíu del control d’entidaes que xestionen bona parte del presupuestu municipal. Dende un puntu de vista democráticu esta midida magar llegal, ye claramente un erru políticu de primer orde, y la primer señal inequívoca de qu’a FAC nun-y gusta que controle la so actividá como gobiernu, nel más puru estilu Casco, tas conmigo o tas contra mi, nun hai más.

Esti claru abusu de poder, marcó la pauta de gobiernu de Carmen Moriyón hasta la fecha, a la llende absurda d’entrar nuna guerra dialéctica contra l’Asociación Amigos del Perru pola xestión de los albergues d’animales de Xixón. Ensin criticar que quixera camudase el modelu de xestión de conveniu a concursu públicu, atacar a la mentada asociación poniendo en cuestión la so profesionalidá y bona voluntá na protección de los animales, foi tan risible como innecesaria, cuidao que naide opunxérase a tal concursu. Les crítiques a Amigos del Perru lo único que llogró foi despertar una corriente de simpatía na opinión pública, cuidao que, a lo menos, tal asociación ameyorara sustancialmente la xestión de los albergues d’animales, que recibieron nuna situación bien precaria y con munches quexes pol so furrulamientu.

Nun creo que sía almitible que Carmen Moriyon pueda utilizar la so posición como Alcaldesa pa poner “a caldu” a naide y muncho menos a una asociación que, a día de güei, lo único que sabemos ye que realizó’l so trabayu correctamente, dando la impresión qu’o te inclines ante nuesa nueva maxestá, o va usar la so posición pa desprestixate. Paez que l’estilu autoritariu ta convirtiéndose nuna de les señes d’identidá que meyor ta definiendo a FAC en Xixón, a la imaxe y semeyanza del so líder indiscutible ya indiscutido Francisco Álvarez Cascos.

Como últimu despropósitu hasta la fecha de güei, FAC sospriéndenos incumpliendo les obligaciones d’información y participación ciudadana na ellaboración de los presupuestos pal 2012. Tantu nel Reglamentu de Participación Ciudadana como nel Reglamentu que regula los Conceyos de Distritu, establezse claramente que son éstos, los Conceyos de Distritos, lo que recueyen orgánicamente les participación de la ciudadanía tocantes a les cuestiones públiques de Xixón. Y concretamente l’artículu 8 del Reglamentu que regula los Conceyos de Distritu recueye qu’éstos tendrán de conocer el proyectu de presupuestu municipal, especialmente no que se refier al so Distritu.

Anque bien llueñe de poder falar d’unos Presupuestos participativos, tal que proponíamos dende la candidatura de Bloque-UNA en Xixón nes últimes elecciones municipales, si dexaba una mínima conocencia de la principal ferramienta de xestión municipal al traviés de les asociaciones vecinales, y polo tanto daba un maquillaxe de calter participativu al procesu d’ellaboración presupuestaria.

Pero a FAC fádia-y hasta estes mínimes cesiones democrátiques, y escúdase en que nun pudo pasar el presupuestu a los Conceyos de Distritu pola negociación presupuestaria col PP. Cabo recordar que tal negociación cerróse quitando 100.000 € del Festival Atlánticu pa destinalo a promoción del les Pymes y comercios sobre un montante de 197 millones d’euros, polo que nun paez que tal negociación supunxera un cambéu sustancial del mesmu, y que con esi “nivel de desalcuerdu” col PP, faise evidente que FAC usó como escusa, y de les males, tal negociación pa nun cumplir les sos obligaciones coles xixonesas y xixoneses, cuidao que ye patente que tenía empobináu l’aprobación del presupuestu dende va tiempu, como per otra parte veníen recoyendo les informaciones periodístiques.

Tanto l’actitú ante la oposición municipal representada nel plenu, como ante les asociaciones y los ciudadanos, suponen un pasu tras evidente na democracia que vivimos en Xixón, que’l PSOE ya IU yá mancaren de muerte en más de 30 años de amiguismo y caciquismu, y que FAC quier convertir en revanchismo y despotismu.

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s

A %d blogueros les gusta esto: