Señor Llamazares: la llingua nun ye nengún xuegu

Primero quiero disculpame col señor Llamazares, porque probablemente nun tenga autoridá nenguna p’aldericar les sos actuaciones polítiques, más allá de que ye diputáu asturianu y voi falar de la llingua asturiana, cosa qu’afecta a tou aquel que quiera sofitala y defendela, como considero que yo faigo.

Pero diríxo-y estes palabres dao que anunció que va utilizar l’asturianu pa defender nel Congresu la especialidá del asturianu, vaya por adelantao qu’aplaudo tal iniciativa, y que pa ello va utilizar l’asturianu .Nun puedo esconder la mio sorpresa, ya inclusive malestar con esta actitú, por dellos motivos:

Usté cuando foi diputáu nel Parlamentu Asturianu nunca utilizó l’asturianu, nin anguaño naide de la so organización utiliza l’asturianu nes instituciones autonómiques, y tampoco tengo constancia, anque nun puedo aseguralo, que naide de la so organización nel ámbitu llocal utilice’l asturianu.

Mientres tola campaña electoral pa les elecciones xenerales onde salió escoyíu ,nunca-y escuché falar n’asturianu, nin nos sos actos públicos nin na so publicidá en radiu o televisión.

Na so vida política en Asturies, la llingua  asturiana, más allá d’un pidimientu cola boca pequena de oficialidá , nunca foi un campu de batalla onde IU trabayara con intensidá, nin cuando usté lideraraba IU en Asturies nin darréu, más bien lo contrario, la so política de reconocimiento llingüísticu más se paez al Guadiana qu’apaez en momentos puntuales, pero desaparez na mayor parte de la so actuación política, polo que más qu’una prioridá programática suena a acciones cosmétiques.

Tou ello nun fai más que tresmitime una sensación de qu’utiliza’l asturianu como un xuegu, qu’usa cuando da-y notoriedad o publicidá, pero qu’escaez en la so xestión diario y siguío, que ye onde se gana la batalla de la normalización. Por desgracia esta crítica que yo faigo, sea consciente que la fadrán tolos enemigos de la oficilaidá , especialmente del PSOE. Lóxicamente va dicir, miren Llamazares que nunca utiliza l’asturianu ,usar agora pa salir na tele, porque toos sabemos qu’eso del asturianu nel fondu nun lu interesa a naide, ye daqué d’intelectuales, folkis y demás gandaya (espero ser gandaya pa esi españolismu tramontanu per munchos años, por cierto).

Señor Llamazares por eso pído-y una cosa, si va usar l’asturianu nel Congresu pa pidir la reconocencia de la espacialidá, empiece por una autocrítica y anuncie qu’IU en Asturies va entamar a usar l’asturianu como llingua prioritaria, o al menos al nivel del español, na so comunicación política, porque si non, el so usu del asturianu nel Congresu va paecer oportunista y qu’asume esti asuntu como un meru xuegu.

 Daniel Fernández

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s

A %d blogueros les gusta esto: