Pucherazo institucional o de les Xuntes Electorales

Hai ciertes tradiciones castices, como la del pucherazu típicu de la dómina de la Restauración canovista, que se caltienen en tol so vigor na moderna democracia española del sieglu XXI. La nueva ferramienta del pucherazu son les Xuntes electorales, que la so función básica ye garantizar el turnismo ente PP y PSOE, y nun se ponen nin coloraos por incumplir tola normativa electoral esistente.

Como miembru de la llista electoral del Bloque-UNA-Los Verdes, sufrí nes “mios propies carnes” una riestra d’arbitrariedaes per parte de la Xunta Electoral Provincial (XEP) y les Xuntes Electorales de Zona (XEZ) a cencielles vergonzoses. Voi Resumir les más aberrantes, danos el mesmu espaciu (en dos sales distintes eso sí) a la mesma hora pa un actu electoral que a otra fuerza política, y dicinos que nun lu teníamos reserváu teniendo qu’esixir el mesmu col mesmu acta de la XEZ que nos negaben qu’esistiera, neganos l’acta del repartu d’espacios gratuitos pa publicidá electoral (en faroles y paneles) y cuando nos lo dan, primeramente esixíu por escritu, afayar qu’otres fuerces tán usando los nuesos espacios como abarruntábamos, y nel nuesu conflictu cola RTPA, onde ésta nun respetó los sos propios criterios pa entrevistar candidatos col únicu oxetu d’escluyir al de Bloque-UNA-Los Verdes, la JEP namás respondió a ún de los trés recursos presentaos, y amás al recursu que respondió nun foi a les nuese allegaciones, si non que contestó lo que-y dio la gana.

Pero la cacicada mayor nun la sufrió Bloque-UNA-Los Verdes, si non Foro, una y bones el mesmu día del recuentu del votu emigrante, que determinaba’l diputáu en xuegu nel occidente qu’hasta esi momentu daba una mayoría absoluta a un posible pactu Foru-PP, la Xunta Electoral Central (XEC) mandó una instrucción pa que s’almitiera nel recuentu votos emitíos illegalmente, invocando’l sacru derechu a la participación política y democrática de los ciudadanos, col únicu fin de qu’hubiera abondu votu emigrante pa que’l disputáu escañu cayera del llau socialista, que siempres gana nel votu emigrante. Evidentemente’l recursu de Foru contra la mesma JEC, que estableció tal instrucción, foi refugáu.

Nun se trata de si prefiero un gobiernu de Foro-PP o de PSOE-IU, porque eso ye cosa de los ciudadanos colos sos votos non mía, si non qu’un procesu electoral nun puede tar suxetu al arbitriu d’unes Xuntes Electorales indisimuladamente controlaes polos dos partíos mayoritarios n’España, PP y PSOE. Igual que foi claramente inxusta ya illegal la esclusión de Bloque-UNA-Los Verdes de les entrevistes realizaes pola TPA, ye claramente inxusto ya illegal que s’almitan como votos válidos aquellos unviaos a la XEP de forma illegal. Si esiste un problema col votu emigrante, hai que solucionalu con una reforma llegal, nun saltándose la normativa vixente, onde mire que casualidá, favorez qu’haya un gobiernu de PSOE o PP (en casu de gobernar Foro-PP el gobiernu sería de Foro, colo que nesta ocasión namás podría esistir un gobiernu del PSOE).

Ensin un sistema electoral conn unos árbitros que garanticen que les normes, que yá de por sí favorecen de forma descarada a les fuerces mayoritaries, s’apliquen a toos per igual, tamos falando de que les elecciones ta convirtiéndose nun meru artificiu pa dar un barniz de llexitimidá democrática a una decisiones yá tomaes, qu’cdcaldía tenemos más claro que les toma eso que llamen mercáu.

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s

A %d blogueros les gusta esto: